lirik & video APO KONO EH JANG Fida & AC Mizal [baru vs lama]

laghu ni nostalgia pado den.. honestly den kato den ni memang fanatik kek laghu ni.. and laghu-laghu Nismilan  [Negeri Sembilan] yang lain.. haha daghah oghang Nismilan lah kato en..

first time den donga laghu ni kek SURIA.FM malam bersamo DJ TYZO.. memang maso first time den donga ni topiker merosakkan laghu yo... tapi bilo di pike-pike en balek , tak salah do law kito ubah mengikut zaman en.. lagu baghu mengingatkan.. lagu lamo totap di hati...

pastuh den toghuih search kek internet .. tapi hampo.. tak do pulak.. frust den di buek eh...

tak po sabo lae.. tetibo haghi ni toghingat lak lagu tu.. toghuih den search laghu tu lae..

leba sonyum kek muko ni ha,., bila ado kek Youtube.. perghh... den suko den suko.. hahaha..

AC Mizal rap respect gilo kottt.. tobolet lidah den ngikut eh.. hahaha

best bro...


ni lirik eh...

Jang oh Jang
Mano pulak poi budak bertuah ni
Sonyap yo...
Siaplah jang oi...
Kobau tu tak boghi makan lai

Batu kikir jambatan bosi
Gulai udang sebelango
Cubo omak fikir dalam hati
Ayo ni bujang sudah lamo aih

apo kono eh jang ,
tongah malam tolanjang
ekau dah bosa panjang, 
jangan duduk tolontang,
polek buna bunyik eh,
mana ada kau menughih,
tapi cubo kau donga ini pekagho bona.

ko tongah ko topi kobau tu pon dah mandi.
poi tanam ajolah tu dokek kualo pilah
ekau tengok muko buku, 
muko ko pun dah bobulu..
poi cukolah dulu mano kobau ko lombu..

Apo kono eh jang kau monong ajo
Orang ke bulan ekau di mano
Muko berpoluh apo toghaso
Carian ubek penawa duko

Poilah mandi hari dah tinggi
Jangan temonung menoman tanggo
Ke sawah kito menuai padi
Apo dikonang pekaro yang sudah

Si milah kau gilokan
Orang dah masuk meminang
Mano den lotak muko
Kondak kau jang diambik orang
Biar omak cari an lain
Ompuk orang jangan diidam...

dah den koba en dulu ,
dongalah cakap cikgu,
banyak-banyak membaco,
bosa nanti berjayo,

konsep macam anak pungut..
biso bona jadi kayo.
jangan maleh bekojo..
kono kuek usaho..

masak lomak cili minom kopi cicah ghuti..
kocik-kocik mengaji..
bosa jadi montoghi..
eden ado nak posan,
janganlah ketinggalan..
hidup ado panduan..
al-Quran jadi pogangan..


Ke jelobak ke jelobu
Tuai padi tigo tangkai
Kato ombung den...
Kato ongah den...
Kato ocu den

Apo kono eh jang kau monong ajo
Orang ke bulan ekau di mano
Muko berpoluh apo teghaso
Carian ubek penawa duko


Dah den koba an dulu kumpol kan duit
Pinanglah copek ini kau tangguh an
Ke sawah kota mengumpo belanjo
Bekonan den si milah buek menantu

Apo lai kau sosakan
Menghaung tak ado guno
Milah kawin minggu dopan
Melopong kau jang putih mato
Jangan lai dikonang konang
Asik dikonang merano badan

asik tokonang meghano badan 
asik tokonang meghano badan

Bekocak air di boting
Limau manih betaruk mudo
Bio bocacak koghih dan lombing
Putih kuning den tarik juo

apo kono eh jang
apo di konang


* perkataan di kecilkan / di gariskan kosong kerana tidak pasti dengan apa yang AC MIZAL sebutkan laju sangat... best bro ! ! !



ni yang originalll

 P: )
Jang oh Jang
Mano pulak poi eh budak bertuah ni
Sonyap yo...
Siaplah jang oi...
Kobau tu tak boghi makan lai

( L: )
Batu kikir jambatan bosi
Gulai udang sebelango
Cubo omak fikir dalam hati
Ayo ni bujang sudah lamo aih

( P: )
Apo kono eh jang kau monong ajo
Orang ke bulan ekau di mano
Muko berpoluh apo teghaso
Carian ubek penawa duko

( P: )
Poilah mandi hari dah tinggi
Jangan temonung menoman tanggo
Ke sawah kito menuai padi
Apo dikonang pekaro yang sudah

( P: )
Si milah kau gilokan
Orang dah masuk meminang
Mano den lotak muko
Kondak kau jang diambik orang
Biar omak cari an lain
Ompuk orang jangan diidam

( P: )
Ha... tu lah, dulu lai den koba kan
Kojo jang... kojo.
Ni.. ke kobun maleh
Ke sawah liat pulak tu

( L: )
Ah.. Omak ni..
Sekolah tinggi tinggi takkan ke sawah do
Buek malu yo...

( P: )
Nak kan anak orang tak payah beduit
Apolah nak jadi kau ni jang oi hai...

( L: )
Abih macano mak
Badan seh ni nak domam yo ghaso eh

( P: )
Dah den koba an dulu kumpo kan duit
Pinanglah copek ini kau tangguh an
Ke sawah kota mengumpo belanjo
Bekonan den si milah buek menantu

( P: )
Apo lai kau sosakan
Menghaung tak ado guno
Milah kawin minggu dopan
Melopong kau jang putih mato
Jangan lai dikonang konang
Asik dikonang merano badan

( L: )
Bekocak air di boting
Limau manih betaruk mudo
Bio becacak koghih dan lombing
Putih kuning den tarik juo

( P: )
Kau nak apo an milah tu pulak
Jangan jang, malu omak
Kito yang susah nanti

( L: )
Seh tak kiro
Seh nak an jugo milah tu mak
Apo nak jadi, jadilah

( P: )
Dah di haruk setan ko budak ni
Dunio pun tak nampak layi...

( L: )
Ke jelobak ke jelobu
Tuai padi tigo tangkai
Kato ombung den...
Kato ongah den...
Kato ocu den
Podih nyo hati menanggung malu
Tak mati badan menghasai... Aih

( P: )
Apo kono eh jang...